ПРОФЕСИОНАЛНОСТ ОД СЕКОЈ АСПЕКТ
Нова ера во инсталирањето на лифтовите
Дефинирање на стандардите во движењето на патниците во модерните згради
Едноставен, но сепак иновативен процес на монтажа
При монтажа на лифтовите нашата цел е сѐ да биде испланирано, подредено и ефикасно спроведено, како предуслов за тоа секој учесник во процесот да може да си ја заврши работата безбедно и навреме.
Без опструкции на процесот на градба за време на монтажата
Монтажата на лифтот е конфигурирана на начин што овозможува таа да не влијае на текот на работите на градилиштето, што овозможува намалување на трошоците и беспрекорно спроведување на останатите активности кои се одвиваат на вашиот објект.
Безгрижен процес на монтирање во сите негови фази
Наша цел е да Ви ја олесниме вашата работа. Нашите вработени ќе се потрудат процесот на монтажа да помине безгрижно, со што вашиот проект ќе може да биде комплетиран навремено, без дополнителни трошоци и без изненадувања.
Детално планирање
Завршувањето на монтажата на време и во рамки на претходно утврдени ресурси наложува добра подготовка. Доброто планирање ни овозможува да ја завршием нашата работа поефикасно, безбедно и без дополнителни трошоци.
Сѐ што Ви е потребно за побрзо и полесно планирање
Преземете ги сите технички податоци кои Ви се потребни за да испланирате сѐ до најситните детали. Нашите спецификации за лифтовите се лесно достапни за вас.
Разгледајте и изберете го соодветниот лифт
Откријте која гама на лифтови одговара за вашиот проект пркеу некоклу куси и брзи чекори.Discover which lift suits your needs in a few quick and easy steps.
Најчести прашања и дилеми кои ги засегаат градежните компании
Изборот на соодветен тип на врати е клучен дел од процесот на планирање. Иако можеби посветувате повеќе внимание на избор на соодветен тип на лифт, изборот на соодветен тип на врати ќе има клучно влијание во однос на перформансите на вашиот лифт.
Денес, вратите на лифтовите вклучуваат автоматски, мануелни и телескопски врати.
Автоматските врати може да се отвораат кон лево, кон десно или централно.
Лифт без машинска просторија се нарекува со акронимот MRL. Овие лифтови не користат засебна машинска просторија која подразбира обезбедување на дополнителен простор. Наместо тоа, сите клучни компоненти се лоцирани во окното. Ова решение, освен што овозможува заштеда на простор за инвеститорот, го прави процесот на монтажа полесен за монтерите.
Една од главните придобивки при изборот на MRL лифт е заштедата на простор, кој во спротивно би го зазела машинската просторија. Втора предност на оваа група на лифтови е заштедата на електрична енергија. Бидејќи нема потреба од цела засебна просторија полна со опрема, заштедата на електрична енергија може да достигне и до 60%. Исто така, кај овие типови на лифтови има помал број на делови, што ги прави овие лифтови поефикасни.
Наместо користење на челични јажиња и сајли кои ги влечат електричните лифтови, хирдауличните лифтови користат притисок за кревање на лифтот. Во основа, најпрво електрична пумпа внесува хидраулична течност во цилиндер. Потоа, притисокот кој се создава го поместува клипот, кој пак, во крајна линија овозможува лифтот да се движи нагоре.
Машинска просторија е засебна просторија каде е сместена целокупната опрема поврзана со напојувањето на лифтот. Машинските простории кај електричните лифтови вообичаено се сместени под покривот, додека машинските простории кај хидрауличните лифтови се безмалку секогаш сместени на приземјето или во подрумот. Иако машинските простории се користат и кај електричните и хидрауиличните лифтови, постојат лифтови и без машински простории.
Лифтовите мора да имаат соодветна и редовна грижа за да можат да функционираат беспрекорно за време на целиот оперативен циклус. Нивното редовно сервисирање и одржување го продолжуваат животниот век на лифтот. Редовните месечни сервиси се задолжителни согласно нашата регулатива.